Auld Hamilton,
By Kit Duddy.
Aye it’s chinged ye ken
fae in ma day, never be
the same. Streets huv
gone withoot a song an
naebuddies tae blame.
The hert o’ auld Hamilton
has chinget ower the years,
a remember ma ain wee
granny saen the same an
fu o’fears.
Yit still they hivnae kilt it,an
staunin up will be, a chinget
face o’Hamilton in the year
3333.
So here’s tae yir future an the
kids the world you’ll gie, yir
blessed an safe and hearty
an fur aw that chinge,
ye still ur Free!
Happy New Year
when it comes.
Kit.
