Tag: Ravenscraig

Haud yer wheesht ya we
bit man a’ll tell ye this
am no a fan. Ye micht
hay dun it when ye
waur 22 but it’s
nay yoose at
40 an yer oan
the buroo.

A wee durty fiver tae git
a drink, am a made
o’ money wad dae
ye think. Ma moneys
aw goan tae monday
week, anywise ye’d
pish yer drawers
an then ye’d reek.

Whaurs yer suit, it’s in the
pawn, nae yoose you
haudin oot yer haun.
A bocht sum tatties
an sum mince fur
wir dinner there
thi nicht, why
don’t ye git
yirsel a joab
an gie us aw
a fricht.

They shut thi Craig thirs nae
Joabs left, thi street
cleaner’s goat a degree.
Thi man in buroo saes
thirs naethin
tae dae an
it’s aw up
fur me.

Am no trained fur nursing
tae lay bricks isnae me,
am only trained as a
hoat bed slinger an
the only bed thas
hoat noo is
the wain’s
when she
pees.

Ifn thirs nae work tae be
hud wits a man tae dae,
thirs nae yoose prayn
tae God he’s been pyed
aff tae.

Aw the factories thas left
it’s weemin they want tae
employ, that an fur sweepin
up jist a young wee boy. A’ll
need tae get a license an
learn tae drive a truck,
mibies a’ll get a joab
then if thi tories don’t
F*** tha up.

Written for Historic Hamilton by Kit Duddy.